Հետաքրքիր փաստեր բանանի մասին

Օրական մեկ բանան ուտելով` կարելի է կանխել մեկ հիվանդության առաջացումը, նվազեցնել սրտանոթային հիվանդությունների ռիսկը: Բանանը կանխում է խոլեստերինի մակարդակը, այն էներգիայի աղբյուր է և պարունակում է ինսուլինի մեծ քանակություն: Ձեզ ենք ներկայացնում բանանի մի շարք օգտակար հատկություններ, ինչպես նաև ճիշտ ու սխալ կարծիքներ դրանց մասին:

1. Դեպրեսիա

Հետազոտությունների համաձայն` դեպրեսիա ունեցող մարդկանց համար բանանը եղել է օգտակար միջոց: Բանանն իր մեջ պարունակում է տրիպտոֆանի մեծ չափաբաժին:

Դա սպիտակուցի տեսակ է, որն օրգանիզմում բարձրացնում է սերոտոնինի մակարդակը: Սերոտոնինը բարձր տրամադրության, հանգստի և լիցքաթափման համար պատասխանատու հորմոն է:

Ճիշտ չէ

Տրիպտոֆանն ամինաթթու է, որն առկա է գրեթե բոլոր սպիտակուցներում: Դրա քանակը բանանի մեջ շատ քիչ տոկոս է կազմում և այն, որ կարող է իրականում ազդել տրամադրության վրա, ուղղակի անմտություն է:

2. Անեմիա

Բանանը պարունակում է մեծ քանակությամբ երկաթ, որը խթանում է արյան մեջ հեմոգլոբինի արտադրությունը և կանխում սակավարյունությունը:

Ճիշտ չէ

Խոշոր բանանը պարունակում է 2%- ից էլ ավելի քիչ երկաթ և չի կարող կանխարգելել սակավարյունությունը:

3. Արյան ճնշում

Բանանը պարունակում է մեծ քանակով կալիում, որը դրական ազդեցություն ունի արյան ճնշման դեպքում և կանխում է արյան ճնշման բարձրացումը և սրտխփոցները:

Ճիշտ է

Մեկ բանանը պարունակում է 500 մգ կալիում, որն օրվա նորմայից 10 տոկոսով ավելի է:

4. Մտավոր ակտիվություն

Բրիտանական դպրոցի 200 աշակերտ օրվա ընթացքում մի քանի անգամ կերել է բանան: Հետազոտողները պարզել են, որ կալիում պարունակող այս միրգը լավացնում է ուղեղի աշխատանքը, օգնում կենտրոնանալ:

Ճիշտ է

Այս փաստը համապատասխանում է իրականությանը: Միևնույն ժամանակ պետք է ասել, որ կան սննդի տեսակներ, որոնք նույնպես պարունակում են մեծ քանակով կալիում:

5. Փորկապություն

Իր մեջ պարունակվող բջջանքի շնորհիվ բանանը վերականգնում է աղիների նորմալ աշխատանքը՝ առանց փորկապության դեմ դեղամիջոցներ օգտագործելու:

Ճիշտ չէ

100 գրամ բանանը պարունակում է 2.6 գրամ բջջանք: Նույն քանակությունն առկա է խնձորի, կաղամբի և նարնջի մեջ: Ավելի շատ քանակությամբ բջջանք պարունակում է լոբին՝ 9.5 գրամ, ոլոռը՝ 8 գրամ:

Գինովցած լինելու դեպքում լավ սթափեցնող միջոց է բանանով, կաթով և մեղրով կոկտեյլը: Բանանը թուլացնում է գլխացավը, իսկ մեղրը նվազեցնում է արյան մեջ շաքարի քանակը: Կաթը հանգստացնում է օրգանիզմը և վերականգնում հեղուկի քանակը:

6. Այրոցներ

Բանանն ունի մարսողական համակարգը կարգավորող հատկություն:

Ճիշտ է

Այն իսկապես կարգավորում է մարսողական համակարգը: Բայց եթե որոշել եք այրոցը բուժել ինքնուրույն, ապա դա արեք կաթի և մսի օգնությամբ: Այս երկու մթերքները լավագույն միջոցն են այրոցների դեմ:

7. Սրտխառնոց հղիության ժամանակ

Քանի որ բանանն օգնում է կարգավորել արյան մեջ շաքարի մակարդակը, հետևաբար այն օգնում է ազատվել նաև սրտխառնոցներից:

Ճիշտ է

Ճիշտ է, բայց պետք չէ սրտխառնոցներից ազատվելու համար միշտ բանան օգտագործել: Այն կարելի է օգտագործել նախաճաշին:

8. Նյարդային հիվանդություններ

Վիտամին B-ի բարձր տոկոսը բանանի մեջ օգնում է հանգստացնել նյարդային լարվածությունը:

Ճիշտ չէ

Բանանը պարունակում է շատ քիչ քանակով B6 և B12 վիտամիններ: Ասել, որ այն կօգնի հանգստացնել նյարդային համակարգը, սխալ է:

9. Խոցեր

Բանանն օգտագործվում է որպես դիետիկ սննդատեսակ աղիների խնդիրներ ունենալու դեպքում: Այն կարգավորում է ստամոքսի թթվայնությունը և նվազեցնում ստամոքսի պատերի գրգռվածությունը:

Ճիշտ է

Բանանը պարունակում է այնպիսի տարրեր, որոնք վերացնում են ստամոքսի խոց առաջացնող բակտերիաները: Բանանի օգտակար հատկանիշները թվարկելուց հետո պարզ է, որ այն առողջ դիետայի լավագույն տարբերակներից մեկն է:

Աղբյուրը՝ Aroxj.am