Վենեսուելայի ազգային դրոշի օր

2006թ.-ին Վենեսուելայի խորհրդարանը որոշում կայացրեց, որ դրոշի աստղերը պետք է լինեն 8-ը նախկին 7-ի փոխարեն: Փոխվեց նաև զինանշանի վրայի սպիտակ նժույգի պատկերը: Այս փոփոխություններն առաջարկել է կատարել Վենեսուելայի նախագահ Ուգո Չավեսը:

 

Նա ուսումնասիրել է պատմական փաստաթղթերը և պարզել, որ Վենեսուելայի ազգային հերոս և ազատարար Սիմոն Բոլիվարն Իսպանիայի տիրապետության դեմ մղվող պայքարի ժամանակ առաջարկել է ազգային դրոշի վրա պատկերել ութ աստղ՝ այն տարածքների թվով, որոնք ազատագրվել էին 1811 թվականին՝ անկախության հռչակման նախօրեին:

 

Ութերորդ աստղի մասին, որը խորհրդանշում է Վենեսուելայի հարավի ներկայիս Բոլիվարի նահանգի ընդարձակ տարածքը, սակայն, մի քանի տասնամյակ անց, երբ ստեղծվում էին ազգային խորհրդանշանները, մոռացել էին: Այժմ նահանգի առաջարկությամբ խորհրդարանն ուղղել է պատմական անարդարությունը:

 

Աղբյուրը՝ Armenpress.am