Աստղասփյուռներ (մաս 2)

Ըստ երևույթին, աստղերն առաջանում են աստղասփյուռների ծավալում գտնվող ցածր լուսատվության գերխիտ մարմիններից՝ նախաստղերից։ Աստղասփյուռների գոյությունից բխող հետևությունները բացառում են նախկինում իշխող այն տեսակետը, ըստ որի`   Գալակտիկայի բոլոր աստղերը առաջացել են միաժամանակ՝ ինչ-որ հեռավոր անցյալում։

 

Աստղասփյուռների ցուցակը կազմվել է Բյուրականում (նախնականը հրատարակել է Վ. Համբարձումյանը, իսկ լրացումներով և ուղղումներով՝ Բ. Մարգարյանը)։ Աստղասփյուռների հայտնագործման և հետազոտման համար Վ. Համբարձումյանը և Բ. Մարգարյանը արժանացել են ԽՍՀՄ պետական մրցանակի (1950)։

 

Վիկտոր Համբարձումյանը առանձնացրել է O և T տիպի աստղասփյուռներ, երրորդ R տիպը, ավելի ուշ առաջարկել է Սիդնեյ վան դեն Բերգը այն աստղասփյուռների համար, որոնք ներառում են անդրդադարձնող միգամածություններ։