Մեղվաբուծական գույք

Դիմացանը պահպանում է մեղվաբույծի դեմքը և վիզը: Ցանցի առաջնամասը կարում են սև շղարշից, գլխարկը և հետնամասը՝ բաց գույնի կտորից: Դուրով մաքրում և տեղաշարժում են շրջանակները: Փեթակները զննելու ժամանակ մեղուներին շշմեցնում են ծխահարիչով՝ փուքսերով գլանի միջոցով արձակելով ծխաշիթ:

 

Ծառերից մեղվապարսը վերցնելու և ժամանակավորապես պահելու համար օգտագորրծում են պարսարկղ, որը պարկի կտորից պատրաստված հատակով ու կափարիչով թեթև գլան է:

 

Բաժանարար ցանցն օգտագործում են փեթակի մի մասում պարսամորն առանձնացնելու համար: Մեղրը քամում են մեղրազտիչով: Մոմանյութը վերամշակում են մոմահալոցում, տաքացած մոմախորիսխից մոմը դուրս են հանում մոմամամլիչով: