Encyclopedia

Կարգապահական տույժ

Զինվորական կարգապահության կանոնների խախտման համար օրենքով նախատեսված են կարգապահական տույժեր: Կարգապահական տույժը համարվում է պատասխանատվության միջոց և կիրառվում է իրավախախտում կատարած անձին զինվորական ծառայության կանոնագրքերի պահանջները պահպանելու ոգով դաստիարակելու և նոր իրավախախտումների կատարումը կանխելու նպատակով:

Կարգապահական տույժը տրվում է գրավոր հրամանով: Կարգապահական տույժը պետք է համապատասխանի կարգապահական խախտման ծանրությանը և զինծառայողի մեղքի աստիճանին:

 

Զինծառայողին նույն կարգապահական խախտման համար մեկից ավելի կարգապահական տույժ չի կարող տրվել: Զինծառայողին կարգապահական իրավախախտման համար կարգապահական տույժ չի կարող տրվել, եթե կարգապահական իրավախախտում կատարելու օրվանից անցել է 6 ամիս:

 

Զինծառայողի կողմից կարգապահական կոպիտ խախտում թույլ տալու դեպքում, ինչպես նաև հրամանատարի (պետի) կողմից որոշված այլ դեպքերում իրավասու հրամանատարի (պետի) հրամանով նշանակվում է ծառայողական քննություն։

 

Զինծառայողը, որի նկատմամբ նշանակված է ծառայողական քննություն, իրավունք ունի ծառայողական քննության անցկացման ժամանակ ծանոթանալու իր մասնակցությամբ կատարված գործողությունների ընթացքի, բովանդակության, արդյունքների վերաբերյալ կազմված փաստաթղթերին և դրանց կապակցությամբ ներկայացնելու առաջարկություններ, բացատրություններ կամ առարկություններ, ինչպես նաև մինչև ծառայողական քննության ավարտը ծանոթանալու ծառայողական քննության նյութերին, ներառյալ`   ծառայողական քննության արդյունքներով կազմված եզրակացությանը, սույն օրենքով սահմանված կարգով այն բողոքարկելու: Զինծառայողն իրավունք ունի իրեն տրված կարգապահական տույժը բողոքարկելու ըստ վերադասության:

 

Իրավական հիմքեր.

1. Հայաստանի Հանրապետության զինված ուժերի կարգապահական կանոնագրքի 22-րդ, 27-րդ հոդվածներ

 

 

The articles in this section are aligned with the "Human Rights in the Army" guide developed by the Peace Dialogue NGO.
Dasaran.am website does not bear responsibility for the accuracy of the information.