Encyclopedia

Կասկածյալի և մեղադրյալի կարգավիճակներում գտնվող զինծառայողի իրավունքները

Քրեական հետապնդման մարմինն իրավունք չունի կասկածյալի վիճակում ձերբակալվածին պահել 72 ժամից ավելի, իսկ անազատության մեջ պահելու հետ չկապված խափանման միջոց կիրառելիս՝ ոչ ավելի, քան 7 օր՝ խափանման միջոց ընտրելու մասին որոշումը նրան հայտարարելու պահից:

Կասկածյալ է այն անձը,

1) ով ձերբակալվել է հանցանք կատարելու մեջ կասկածվելու պատճառով (տե՛ս հավելված 10),

2) ում նկատմամբ մինչև մեղադրանք առաջադրելը խափանման միջոց ընտրելու մասին որոշում է կայացված:

 

Ձերբակալված կասկածյալն իրավունք ունի հարցաքննվելու պաշտպանի մասնակցությամբ: Պաշտպանի մասնակցությունն անհապաղ ապահովելու անհնարինության դեպքում քննիչը պարտավոր է նրա մասնակցությունն ապահովել կասկածյալին արգելանքի վերցնելուց հետո`   24 ժամվա ընթացքում:

 

Կասկածը չհաստատվելու դեպքում կասկածյալը ձեռք է բերում արդարացվածի կարգավիճակ: Մեղադրյալ է այն անձը, ում նկատմամբ որոշում է կայացված որպես մեղադրյալ ներգրավելու մասին:

 

Կասկածյալը և մեղադրյալն ունեն պաշտպանության իրավունք: Քրեական վարույթն իրականացնող մարմինը կասկածյալին և մեղադրյալին հնարավորություն է ընձեռում օրենքով չարգելված բոլոր միջոցներով իրականացնելու պաշտպանության իրենց իրավունքը:

 

Կասկածյալի և մեղադրյալի կողմից իրենց իրավունքներից օգտվելը կամ դրանցից օգտվելուց հրաժարվելը չպետք է մեկնաբանվի ի վնաս նրանց և նրանց համար առաջացնի որևէ անբարենպաստ հետևանք: Կասկածյալի և մեղադրյալի վրա չի կարող որևէ պատասխանատվություն դրվել իրենց տված ցուցմունքների և բացատրությունների համար, բացի այն դեպքերից, երբ նրանք հայտարարել են հանցագործությանն ակնհայտորեն առնչություն չունեցող անձի կողմից հանցանք կատարելու մասին:

 

Իրավական հիմքեր.

1. ՀՀ քրեական դատավարության օրենսգրքի 62-րդ հոդվածի 1-ին, 2-րդ մասեր,

2. ՀՀ քրեական դատավարության օրենսգրքի 63-րդ հոդվածի 1-ին, 3-րդ, 4-րդ մասեր,

3. ՀՀ քրեական դատավարության օրենսգրքի 211-րդ հոդվածի 2-րդ մաս,

4. ՀՀ քրեական դատավարության օրենսգրքի 64-րդ հոդվածի 1-ին մաս,

5. ՀՀ քրեական դատավարության օրենսգրքի 65-րդ հոդվածի 1-ին, 3-րդ։

 

 

The articles in this section are aligned with the "Human Rights in the Army" guide developed by the Peace Dialogue NGO.
Dasaran.am website does not bear responsibility for the accuracy of the information.