Health Corner

Եվրոպայում կարող են արգելել մենթոլային, ինչպես նաև էլեկտրոնային ծխախոտները

Եվրոպայում ցանկանում են արգելել մենթոլային ծխախոտները, ինչպես նաև մեծացնել ծխելու վնասի մասին նախազգուշացնող գրության տարածքը, որը կգրավի տուփի մակերեսի 75%-ը`   հայտնում է The Telegraph-ը:

«Յուրաքանչյուր տուփի վրա պետք է լինի համադրված նախազգուշացում (նկար գումարած տեքստ): Այդ նախազգուշացումները պետք է զբաղեցնեն ծխախոտատուփի առջևի ու հետևի մասի 75%-ը»,- նշված է մշակվող փաստաթղթում:

Ինչպես նկատում է պարբերականը, մշակվող օրինագիծը նման է ավելի վաղ Ավստրալիայում մշակված օրինագծին: Օրինագծի հեղինակները ցանկանում են արգելել մենթոլային ծխախոտները, քանի որ դրանք գրավում են երիտասարդ ծխողներին: Սակայն ծխամորճի սիրահարները հնարավորություն ունեն վայելելու հոտավետ ծխախոտ: 

 
Պաշտոնյաները առաջարկում են «դե ֆակտո» արգելել էլեկտրոնային, ծամելու ծխախոտները, որոնք ապագայում կարող են հայտնվել «բուժիչ միջոցների» շարքում:
 
Իրենց հերթին, շատերը հանդես են գալիս օրինագծի դեմ՝ այն անվանելով «առողջությանը վնաս պատճառող», քանի որ շատերի համար էլեկտրոնային ու ծամելու ծխախոտները այլընտրանքային են`   գրում է The Telegraph-ը:
Dasaran.am website does not bear responsibility for the accuracy of the information.
The information was provided by the Med-Practic Company