Պահածոների վտանգավորության մասին

Հասարակական առողջապահության Հարվարդի դպրոցի գիտնականները նախազգուշացնում են, որ քիմիական նյութերը, որոնք օգտագործվում են պահածոների տարաներ պատրաստելիս, կարող են ընկնել սննդի մեջ, այնտեղից` մարդու օրգանիզմ:

Ամերիկյան բժշկական ասոցիացիայի ամսագիրը հաղորդում է, որ թեստերը, որոնք անցկացվել են 75 կամավորի հետ, ցույց են տվել, որ նրանց մեզի մեջ հայտնաբերվել է մեծ քանակությամբ A բիսֆենոլ բաղադրատարրը պահածոյացված տարաներից ապուրներ օգտագործելուց հետո:

A բիսֆենոլը նախկինի պես օգտագործում են պահածոների համար նախատեսված տարաների արտադրության մեջ, քանի որ այն պաշտպանում է կոռոզիայից և օգնում երկար ժամանակ թարմ մնալ:

Հետազոտության հեղինակ Ջենի Քերվայլը մեկնաբանում է.«Մենք գիտեինք այն մասին, որ պլաստմասայի որոշ տեսակների տարաների մեջ պահված հեղուկների օգտագործումը կարող է հանգեցնել օրգանիզմում A բիսֆենոլի քանակության ավելացմանը:

Այս հետազոտությունը վկայում է այն մասին, որ պահածոյացված սնունդը կարող է ավելի շատ անհանգստություն պատճառել` հաշվի առնելով դրա լայն տարածվածությունը»: Ի դեպ, Եվրահանձնաժողովն արգելել է մանկական շշերի արտադրության մեջ այս նյութն օգտագործել:

Հեղինակ` Ն.Ա.

Աղբյուր` Առողջապահության լրատու