Երգելն օգնում է ինսուլտից հետո

Հարվարդի բժշկական դպրոցի գիտնականները հետաքրքիր մեթոդ են առաջարկել նրանց, ովքեր ինսուլտից հետո կորցրել են խոսելու ունակությունը: Պարզվել է, որ խոսքի խանգարումներով անձինք ավելի հաջողությամբ են սկսում երգել, քան խոսել:

Նրանք երգի միջոցով ավելի դյուրին են ձևավորում իրենց խոսքը, կարողանում են արտահայտել իրենց մտքերն ու ցանկությունները:

Բժշկական մեթոդը, որը դեռևս 30 տարի առաջ է փորձարկվել, անվանվել է «տոնային-երաժշտական թերապիա»:

Բժիշկը, փաստորեն, իր հիվանդներին օրը կես ժամ երգեցողություն է սովորեցնում: 15 շաբաթ հետո երաժշտության միջոցով խոսքի խանգարումներով հիվանդ անձինք կարողանում են շփվել շրջապատի հետ:

Աղբյուրը` Առողջապահության լրատու 11