ԱՄՆ-ում արտոնագրվեց առաջին օդորակիչը

Չնայած օդորակման գաղափարի հեռանկարային լինելուն՝ այն գործնականում կիրառվեց շատ ավելի ուշ: Գիտակցելով տեխնիկական այս նորարության առավելությունները`   շուտով թատրոններում, խանութներում ևս տեղադրվեցին օդորակիչներ:

 

Եվ չնայած օդորակիչները թանկ հաճույք էին համարվում, սակայն ամերիկացիները գումար չէին խնայում`   իրենց բնակարաններում ևս տեղադրելով տեխնիկական այս նորարությունը, որի շնորհիվ շինության ներսում զով էր նույնիսկ ամենատոթ եղանակին:

 

Ստեղծված իրավիճակում հիանալի կողմնորոշվեցին նաև համապատասխան տեխնիկա արտադրողները: Օրինակ`   ամերիկյան «General Electric» ընկերությունը 1929թ.-ին թողարկեց առաջին սենյակային օդորակիչը`   դառնալով այն ընկերությունների «նախահայրը», որոնք դեռ նոր պետք է մուտք գործեին օդորակիչների արտադրության շուկա:

 

Այն երկար ժամանակ մնաց որպես ոլորտի առաջատար ընկերություն: Քանի որ որպես սառեցնող-զովացուցիչ միջոց կիրառվում էր ամոնիակը, որի արձակած գոլորշին վտանգավոր է մարդու առողջության համար, օդորակիչի կոմպրեսորն ու կոնդենսատորը տեղադրվեցին դրսում:

 

Սկսած 1931թ.-ից, երբ հայտնաբերված էր մարդու օրգանիզմի համար անվտանգ Ֆրեոնը, բոլոր բաղադրիչները հավաքվեցին մեկտեղ: Այսպես ի հայտ եկան առաջին պատուհանային օդորակիչները, որոնք կիրառվում են մինչ օրս:

 

Չնայած ամերիկյան ընկերությունները օդորակիչների արտադրության հարցում հավակնում էին առաջինը լինել, բայց 1950-ականների վերջին նրանք սկսեցին առաջատարի իրենց դիրքը զիջել ճապոնական ընկերություններին: Հենց ճապոնացիներն առաջին անգամ ստեղծեցին օդորակիչների անջատվող համակարգը`   այն բաժանելով արտաքին և ներքին մասերի:

 

Ժամանակի ընթացքում օդորակիչները դարձան ավելի հզոր և բազմաֆունկցիոնալ, երկարածգվեց դրանց պիտանելիության ժամկետը: Մեր օրերում արդեն օդորակիչները, զովացնելուց բացի, արտամղում են տաք հոսք, իոնիզացնում, ցամաքեցնում և մաքրում են օդը: