Ա. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
Շնորհավոր հունիսի 1 ՝ երեխաների պաշտպանության միջազգային օր

ԿՏԱԿ
Սիրո՛ւն մանկիկ, ես գնում եմ, դու գալիս ես այս աշխարհ.
Ճշմարիտն ես փորձով գիտեմ ու խոսքերս մի՛ մոռնար:
Կյանքն է ամպի փախչող ստվեր, վայրկյանն է միշտ իրական.
Բախտի կռանը կամքն է թեև, բայց դիպվածն է տիրական:
Զգացմունքն է գերիշխանը, խելքը՝ նրա լոկ ծառան.
Բայց դու՛ խելքդ վրադ պահի՛ր, ինչպես պողպատ կուռ վահան:
Մի՛ հավատար ստվերներին, հենվի՛ր միայն քեզ վրա,
Ատելու չափ սի՛րիր մարդկանց, բայց լավություն միշտ արա:
Եվ լայն օրում թե՝ ընկերներ, թե բարեկամ ճանաչի՛ր.
Իսկ նեղ օրում ընկերների ո՛չ որոնիր, ո՛չ կանչիր:
Խաղերով լի այս աշխարհում խաղդ եթե տանուլ տաս,
Զվարթ եղի՛ր, ու այդպիսով բախտի վրա կըխնդաս:
Անվախ ու վեհ ղեկդ վարե անծանոթին դեմ-դեմի.
Անզղջալի առաջ գնա՛, ինչ որ լինի՛, թո՛ղ լինի:
Լսի՛ր, տղա՛ս, ինձ կթաղես անհայտ մի տեղ, աննշան,
Որ չիմանան, մարդիկ չգան՝ շիրմիս քարը գողանան:

01 June, 21:31

Հրաշագործ պապիկը բոլոր փոքրիկներին հրավիրում է Ավետիք Իսահակյանի տուն-թանգարանի կախարդական այգի։ Անուշիկ փոքրիկներ, պապիկի հետ շրջելու ենք հեքիաթի մոլորակում, ուր ձեզ սպասում են զարմանազան արկածներ

31 May, 21:25

Ա. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
ԱՎԻԿԻՆ
Կյանքիդ ուղին լինի պայծառ,
Ամեն քայլդ` ազնիվ, արդար:
Լինես խոհուն, լինես գիտուն,
Եվ ունենաս սիրտ զգայուն:
Լինես բարի և անբասիր,
Ընկերներիդ սրտով սիրես,
Երբ քեզ տեսնեն` ուրախանան:
Միշտ օգնելու լինես պատրաստ`
Տանջվող մարդուն և ընկերին:
Անդավաճան, անհուն սիրով
Հայրենիքիդ լինես պաշտպան.
Եթե նրա սիրո համար
Մի սխրալի գործ կատարես-
Չըհոխորտաս, լինես խոնարհ,
Եվ իր պարտքը ճիշտ կատարած
Մարդու նման` խիղճդ անդորր,
Ապրես ուրախ և բախտավոր:
Եվ մեն-մենակ, տարին մի օր
Այցի ելնես մամռոտ շիրմիս,
Կանգնես լռիկ, խորհես մի պահ,
Իմ կաթոգին սիրած տղա:

27.XI.1954թ.
Երևան
Լուսանկարում Վարպետն է թոռան՝ Ավիկ Իսահակյանի հետ

28 May, 00:35

Ա. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ

ՌԱՎԵՆՆԱՅՈՒՄ

Արարատի ծեր կատարին
Դար է եկել, վայրկյանի պես,
Ու անցել:

Անհուն թվով կայծակների
Սուրն է բեկվել ադամանդին,
Ու անցել:

Մահախուճապ սերունդների
Աչքն է դիպել լույս գագաթին,
Ու անցել:

Հերթը հիմա քոնն է մի պահ.
Դու էլ նայիր սեգ ճակատին,
Ու անցիր...

28 May, 00:34

Ա. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
Սիրելի՛ դպրոցականներ
Ձեզանից շատերը դպրոցին հրաժեշտ
տվեցին անսովոր պայմաններում:
Բայց կյանքը դեռ առջևում է:
Ավետիք Իսահակյանի տուն-թանգարանի
աշխատակիցները մաղթում են
ձեզ հետաքրքիր ու բովանդակալից,
արժանապատիվ կյանքի ճանապարհ:
Բարին ձեզ հետ:

25 May, 15:26

ՓԱԽՈՒՍՏ ԹԱՆԳԱՐԱՆԻՑ 🤭 🙋‍♂️💁‍♀️ Անիմացիոն-ստեղծագործական մրցույթ «Փախուստ թանգարանից» անիմացիոն մրցույթի լավագույն աշխատանքներից մեկը։ Նյութը պատրաստել...

19 May, 20:59

📜 🖋 Այդ ոչինչը ես եմ Ավետիք Իսահակյան, «Այդ ոչինչը ես եմ» ստեղծագործության լավագույն էկրանավորումներից 🎥 📺 Մուլտֆիլմը կրկնօրինակել է մեծանուն դերասան...

15 May, 16:36

Ա. ԻՍԱՀԱԿՅԱՆԻ ՏՈՒՆ-ԹԱՆԳԱՐԱՆ
ՀԱՅՏՆԻ ՄԱՐԴԿԱՆՑ ՏԱՐՕՐԻՆԱԿ
ՍՈՎՈՐՈՒԹՅՈՒՆՆԵՐԸ
1.Ֆրանսիացի գրող Օնորե դը Բալզակը մոլի սրճասեր էր:Նա օրական խմում էր մինչև 50 գավաթ դառը սուրճ ։ Հայտնի է, որ «Մարդկային կատակերգությունը» գրելու ընթացքում Բալզակը գրեթե չի քնել. պատճառը՝ օրգանիզմում կոֆեինի հսկայական քանակությունն էր( շուրջ 15.000 ):Բժիշկները գտնում են ,որ նրա սրիտի հիվանդության և մահվան հիմնական պատճառն այդ սովորությունն էր:
2. Բանաստեղծ Ֆրիդրիխ Շիլլերը ոգեշնչվում էր շատ տարօրինակ եղանակով.նա խնձորներն արկղի մեջ թողնում էր այնքան ժամանակ,մինչև նեխելը: Նա չէր կարողանում աշխատել, եթե իր գրասեղանի դարակը լցված չէր լինում հոտած խնձորներով:
3.Ֆրասիացի դասական Վիկտոր Հյուգոն իր ստեղծագործությունների մեծ մասը գրել է մերկ վիճակում: Որպեսզի ճիշտ ժամանակին հասցներ ավարտել ստեղծագործությունը,նա կարգադրում էր ծառային սենյակից հավաքել իր բոլոր հագուստները՝անհնարին դարձնելու համար տանից դուրս գալու բոլոր գայթակղություններըԻնքնակամ բանտարկությունն ավարտվում էր համապատախան քանակի էջեր գրելուց հետո:

ՀԱՅՏՆԻ ՄԱՐԴԿԱՆՑ ՏԱՐՕՐԻՆԱԿ ՍՈՎՈՐՈՒԹՅՈՒՆՆԵՐԸ 📣Ֆրանսիացի գրող Օնորե դը Բալզակը մոլի սրճասեր էր: Այն համարում էր ստեղծագործելու հիմնական խթանիչը:Ասում են,որ նա օրական խմում էր մինչև 50...

13 May, 20:50